Безнекеләр - "Симбирскъ" журналында
Ульяновск шәһәрендә рус телендә нәшер ителүче "Симбирскъ" әдәби журналының август чыгарылышында Сембер татар язучыларының иҗат җимешләре дә урын алды.
Журналга кергән авторлар исемлеге:
Татарстан Язучылар берлеге әгъзасы Шәфикъ Иматдинов (шигырьләрен Александр Лайков тәрҗемә иткән);
Татарстан Республикасының атказанган мәдәният хезмәткәре, "Әйтер сүзем бар" шигырьләр җыентыгы авторы Җәмилә Мифтахова (шигырьләрен Гөлсинә Ханәфи тәрҗемә иткән);
Татарстан Язучылар берлегенең Шәрәфле әгъзасы Мәүлет Саюков;
Татарстан Язучылар берлегенең Шәрәфле әгъзасы Гөлсинә Ханәфи;
Татарстан Язучылар берлеге әгъзасы Рита (Хабибә) Имаметдинова;
Ульяновск өлкәсе татар язучылары берләшмәсе әгъзасы Динә Сафина.
Соңгы дүрт авторның татар теленнән тәрҗемә ителгән шигырьләре түгел, ә рус телендә язылган иҗат җимешләре басылган.
"Симбирскъ" журналының баш мөхәррире Елена Викторовна Водкинага олы рәхмәтебезне белдерәбез, киләчәктә дә бергәләп эшләргә насыйп итсен.
Шәфикъ ИМАТДИНОВ,
Татарстан Язучылар берлегенең Ульяновск бүлеге җитәкчесе.