22 июнь – Хәтер һәм кайгы көне
Хөрмәтле Ульяновск өлкәсендә яшәүчеләр! Кадерле Бөек Ватан сугышы ветераннары!
85 ел элек бу көнне безнең Туган илебез өчен иң авыр сынауларның берсе – Бөек Ватан сугышы башлана. Бүген без илебез бәйсезлеге хакына гомерләрен кызганмаган геройларны искә алабыз, кешелек дөньясына каршы моңарчы күрелмәгән һәм масштаблы җинаять корбаннары турында кайгырабыз. Һәлак булучылар хакында истәлекләр һәм югалту ачысы безнең йөрәкләрдә мәңгегә сакланачак.
Халкыбыз батырлыгы – Бөек Җиңү беркайчан да онытылмас. Без ата-бабаларыбызның батырлыгын һәм геройлыгын, намуслыгын һәм кыюлыгын данлап, тарихи дөреслекне буыннан-буынга тапшырабыз. Безнең Туган илебез совет солдатларының һәм тыл хезмәтчәннәренең какшамас, нык ихтыяры аркасында бирешми. Безгә гомер һәм тыныч күк йөзе бүләк иткән өчен җиңүчеләр буыны алдында түбәнчелек белән башыбызны иябез. Аларның батырлыгы – хәзерге заман кешеләре һәм киләчәк буыннар өчен үрнәк. Бүген махсус хәрби операция зонасында Россия чикләрен саклаучы ватандашларыбыз алар юлыннан бара.
Без митинг-реквиемнарда һәм “Хәтер шәме”, “Кызыл канәфер”, “Бер минут тынлык”, “Сугышның утлы картиналары” кебек чараларда катнашып, якташларыбызга һәм геройларга хөрмәт күрсәтәбез, ихтирамыбызны белдерәбез. Мәдәният учакларында кинофильмнар, спектакльләр күрсәтелә, күргәзмәләр һәм башка тематик чаралар уза.
Хөрмәтле Бөек Ватан сугышы ветераннары! Без сезнең үлемсез батырлыгыгыз белән горурланабыз! Бөек Җиңү өчен рәхмәт сезгә! Сезгә һәм Ульяновск өлкәсе халкына нык исәнлек, бәхет һәм иминлек телим!
Ульяновск өлкәсе Губернаторы А.Ю.Русских.