8 март – Халыкара хатын-кызлар көне
Кадерле хатын-кызларыбыз!
Чын күңелдән сезне шушы күркәм бәйрәм уңаеннан тәбрик итәм!
Халыкара хатын-кызлар көне – чираттагы тапкыр сезгә рәхмәт әйтү, чибәрлегегез, көчегез һәм зирәклегегезгә соклануыбызны белдерү өчен менә дигән мөмкинлек. Сез үзегезне төрледән-төрле сфераларда: мәгарифтә, медицинада, авыл хуҗалыгында, фәндә, сәнгатьтә һәм бизнеста күрсәтәсез. Сезнең казанышларыгыз Ульяновск өлкәсен бизәп кенә калмыйча, аның үсеше өчен нигез дә булып тора.
Илебез Президенты шулай ук хатын-кызларның җәмгыятьтә мөһим роль үтәвен, нәкъ менә сезнең үз гаиләләрегез өчен терәк булып торуыгызны һәм җәмгыятебез үсешенә юнәлдерелгән барлык процессларда актив катнашуыгызны ассызыклый. Сез – үзе белән җылылык алып килүче һәм өй учагын булдыручы гаилә традицияләрен саклаучылар. Сезнең сабырлыгыгыз, кайгыртучанлык күрсәтүегез һәм мәхәббәтегез ныклы һәм гармонияле гаиләләр булдырырга ярдәм итә. Балаларыгызны тәрбияләп үстереп, сез аларга мөһим кыйммәтләрне тапшырасыз, ярдәмчел һәм җаваплылык хисенә ия булырга өйрәтәсез. Буыннарны берләштерүче һәм тормышыбызны тагын да матуррак һәм игелеклерәк итүче традицияләр нәкъ менә сезнең тырышлык аркасында саклана.
Мөлаем һәм ягымлы хатын-кызлар, һәрбер көн сезгә шатлык, бәхет һәм илһам алып килсен, хыялларыгыз тормышка ашсын, ә янәшәгездә һәрвакыт мәхәббәт белән якыннарыгызның ярдәме булсын. Бәйрәм белән!
Ульяновск өлкәсе Губернаторы А.Ю.Русских.