Хәбәрләр - Новости

Нинди бәхет - бәхет хисен тою

Бәйрәмнәрдә түгел, һәр көндә.

Нинди бәхет иртән уянулар

Кояш нуры иркәләгәндә.

Нинди бәхет – сөйгән ярың белән

Җитәкләшеп паркларда йөрү,

Дөньяга ямь өстәү ниятендә

Матур-матур гөлләр үстерү.

Нинди бәхет – туганнарың булу,

Балаларның җылылыгын тою.

Бәхет - дөньядагы иң-иң әйбәт

Оныкларга әби-бабай булу.

Нинди бәхет - туган, дуслар белән

Бергә-бергә ярдәмләшеп тору.

Бала-онык кадер-хөрмәтеннән,

Мәхәббәттән бик бәхетле булу.

Нинди бәхет – ачу сакламыйча,

Кешеләргә ярдәм итеп яшәү.

Күршеләрнең кадерен белеп,

Бергәләшеп тәмле чәйләр эчү.

Бәхет бит ул – Аллаһыга таяну,

Бисмилладан көнең, эшең башлау.

Бары тик Ул ярдәм иткәнен аңлап,

Аягыңда ныклап басып тору.

Нинди бәхет – бер-береңне сөю,

Бәла-казаларсыз юллар кичү.

Нинди бәхет – бәхет хисе белән

Дөньяның ямен тоеп гомер итү!

Рәйсә АЛЕЕВА,

Ульяновск шәһәре.

Назлыгөл Мистякова тәрҗемәсе.