Кулаткы елгасы аша күперне яңарталар
Ульяновск өлкәсенең автомобиль юллары департаменты Иске Кулаткы эшчеләр бистәсендәге Кулаткы елгасы аркылы күперне капиталь ремонтлау эшләрен башкарырга әзер булган подрядчы оешмасы эзли, дип хәбәр итә Медиа73.
“Иске Кулаткы-Бахтеевка км 0+255, Кулаткы елгасы аркылы күпер” юл объектын яңарту максатында өлкә фондыннан 80,7 миллион сум акча бүлеп бирелгән. Подрядчы оешма 2026 елның 1 апрелендә эшкә керешергә һәм 2026 елның 15 ноябренә кадәр ремонт эшләрен тулысынча тәмамларга тиеш. Ремонтны Ульяновск өлкәсенең транспорт министрлыгы финанслый.