Юлларны яңарталар
Иске Кулаткы районы авылларында автомобиль юлларын төзекләндерү эшләре дәвам итә.
Россия Президенты Владимир Путин инициативасы буенча гамәлгә куелган “Тормыш өчен инфраструктура” илкүләм проекты кысаларында Иске Кулаткы районының Терешка авыл җирлегендә быел вак таш җәелгән автомобиль юлларында төзекләндерү эшләре башкарылган.
Урта Терешка авылының Марат Асадуллин һәм Комаров урамнарындагы, Кирюшкино авылының Крупская һәм Молодежная урамнарындагы юллар яңартылган.
Район хакимияте белгече, Терешка авыл җирлеге муниципаль берәмлеге башлыгы, районның Иҗтимагый палатасы әгъзасы составындагы махсус комиссия юлларны ремонтлауның сыйфатын тикшереп кабул иткән. Халыкка ремонтланган юллардан машина белән йөрергә уңайлы һәм җайлы, ди район хакимияте вәкиле.