Үрнәк гаилә
Ишеевка район үзәгендә Гаилә, мәхәббәт һәм тугрылык көненә багышланган тантаналы чара узды. Анда районның үрнәк булырлык гаилә парларын хөрмәтләделәр.
Бөтен гомерләрен авыл хуҗалыгы тармагына багышлаган бәхетле пар – Рәмис һәм Сания Хисаметдиновлар Ульяновск районы башлыгының Рәхмәт хаты белән бүләкләнде. Алар матур гына гомер итеп ике бала тәрбияләп үстергәннәр. Әлеге татар җанлы гаиләдә халкыбызның милли һәм дини гореф-гадәтләрен, күркәм йолаларын олылап, хөрмәт итеп яшиләр.
“Әби-бабаларыбыз өйрәтеп калдырган йолаларны бала-оныкларыбызга түкми-чәчми тапшырырга тырышабыз”,- ди Ишеевка мәчете мөгаллимәсе Сания хаҗия.
Сания хаҗия Ишеевка мөселманнарын “Өмет” газетасына яздыру буенча да актив эш алып бара.